ग्रामपंचायत होडावडा

परिचय

होडावडा गावाच्या चारही बाजुला तुळस, वजराट, मातोंड, मठ, तळवडे ही गावे आहेत. होडावडा येथील श्री देव क्षेत्रपालेश्वर मंदिर, श्री देवी सातेरी मंदिर, श्री सिध्दमहापुरुष मंदिर, श्री देव  चव्हाटा मंदिर हि मंदिरे प्रसिध्द आहेत.

गावात लोकांच्या प्रवासाची सोय म्हणुन एस.टी.ची सोय आहे. होडावडा गावापासुन ०८ कि.मी वर सावंतवाडी रेल्‍वे स्‍थानक आहे. तसेच ३९ कि.मी च्‍या अंतरावर मोपा आणि ४२ कि.मी च्‍या अंतरावर चिपी अशी आंतरष्‍ट्रयीय विमानतळे आहेत. गावातील माती लाल आहे. गावात दळणवळण, नळयोजना, सार्वजनिक व खाजगी विहिरी, दूरध्वनी, वीज, आरोग्य उपकेंद्र अशा पायाभुत सुविधा उपलब्ध आहेत.

हवामान उष्ण व दमट असून जून, जुलै, ऑगस्ट, व सप्टेंबर या महिन्यात पाऊस पडतो. गावातील एकुण क्षेत्रापैकी ८३५-२९-४४ हेक्टर ऐवढी शेत जमिन आहे. व २७८-४-७९ हेक्टर लागवडीला अयोग्य आहे. गावात १५२ लहान शेतकरी , ३९४ अल्पभुधारक व भुमीहीन शेतकरी आहेत. भात, आंबा, काजू हे प्रमुख पिक आहेत.

गावातील एकुण साक्षरतेचे प्रमाण १०० टक्के असून शाळा सोडलेल्या मुलांची संख्या ० आहे. गावात मराठा, भंडारी, देवळी, न्‍हावी आणि अनुसुचित जाती / जमातीचे लोक राहतात. त्यांचे आपापसातील संबंध सलोख्याचे आहेत. येथील लोकांची शेती, मोलमजुरी, व्यापार ही उत्पन्नांची साधने आहेत